ශ්‍රී ලංකාවේ සහ ලොව පුරා සිටින කිතුනුවන් ක්‍රිස්තුස් වහන්සේගේ උත්ථානය සමරන පාස්කු ඉරිදාව, අපට බලාපොරොත්තුවේ, අලුත් වීමේ සහ අනුකම්පාවේ සදාතනික බලය සිහිපත් කරවයි. පාස්කු උත්සවය යනු අපගේ මනුෂ්‍යත්වය සහ විපත් හමුවේ අපව එක්සත් කරන වටිනාකම් ඇදහිලි, ප්‍රේමය සහ ඔරොත්තු දීමේ හැකියාව පිළිබඳ නැවත මෙනෙහි කිරීමට අවස්ථාව උදාවන කාලයයි. මෙම පූජනීය අවස්ථාව සමරන සියලුම ශ්‍රී ලාංකිකයින්ට මම මගේ හෘදයාංගම සුබ පැතුම් පිරිනමමි. මෙම පාස්කු උත්සවය ඔබටත් ඔබේ පවුලටත් සාමය සහ ශක්තිය ගෙන එනු ඇතැයි මම ප්‍රාර්ථනා කරමි.
2019 අප්‍රේල් 21 වන දින පාස්කු ඉරිදා සිදු වූ බිහිසුණු සිදුවීමේ අඳුරු මතක අප සිතින් බැහැරව ගොස් නැත. අද, වසර හයකට පසුවත්, තවමත් එහි වේදනාව ඉතිරිව ඇති අතර වින්දිතයින් වෙනුවෙන් වූ අපගේ වගකීම ද එලෙසම පවතී. ඔවුන්ගේ පවුල් සමඟ, මෙන්ම සමස්ථ ප්‍රජාව සමඟද සත්‍යය සහ යුක්තිය සොයන සියලුම පුරවැසියන් එක්ව සිටගනු ඇත.
රජයක් ලෙස, ඔවුන් වෙනුවෙන් යුක්තිය ඉටු වන බව අපි නැවත තහවුරු කරමු. එම ප්‍රහාරය විමර්ශනය කිරීමට සහ බාධාවකින් හෝ ප්‍රමාදයකින් තොරව සියලු සත්‍යයන් අනාවරණය කර ගැනීමට අඛණ්ඩව දරන උත්සාහයන් අපගේ ප්‍රමුඛතාවයක් ලෙස පවතී. මහජන විශ්වාසය නැවත ඇති කිරීම සඳහා වගවීම, විනිවිදභාවය සහ අව්‍යාජ යුක්තිය පසිඳලීම අත්‍යවශ්‍ය වේ.
සෑම ජීවිතයකම ගෞරවය ආරක්ෂා කරමින් සහ සැමට සමානාත්මතාවය සහ යුක්තිය ලැබිය යුතු අනාගතයක් වෙනුවෙන් කටයුතු කරමින්, ශක්තියෙන් හා එකමුතුකමින් ඉදිරියට යමු.
ඔබ සැමට සාමකාමී සහ ආශිර්වාද ලත් පාස්කු මංගල්‍යයක් වේවා..! යැයි ප්‍රාර්ථනා කරමි.
ආචාර්ය හරිනි අමරසූරිය.
අග්‍රාමාත්‍ය,
ශ්‍රී ලංකා ප්‍රජාතාන්ත්‍රික සමාජවාදී ජනරජය.
2025 අප්‍රේල් 20 දින.