නව අධ්යාපන ප්රතිසංස්කරණ සම්බන්ධයෙන් පුත්තලම් දිස්ත්රික් අධ්යාපන බලධාරීන් දැනුවත් කිරීම හා දිට්වා සුලිකුණාටුව හේතුවෙන් ආපදාවට පත් පාසල් නිරීක්ෂණය කිරීම අතරතුර ශ්රි ලංකා විවෘත විශ්වවිද්යාලයේ පුත්තලම අධ්යාපන මධ්යස්ථානය නිරීක්ෂණය කිරීමට අග්රාමාත්ය ආචාර්ය හරිනි අමරසූරිය අද (17) පස්වරුවේ කටයුතු කළාය.
මේ වනවිට විවෘත විශ්වවිද්යාලයේ පුත්තලම අධ්යාපන මධ්යස්ථානය පවත්වාගෙන යන පැරණි ඖෂධ ගබඩාවකට අයත් ගොඩනැගිල්ල වෙනුවට ස්ථිර ගොඩනැගිල්ලක් ඉදිකිරීම පිළිබඳවත්, ඒ වන තෙක් පරිපාලන සහ අධ්යයන කටයුතු සිදු කිරීමට සුදුසු තාවකාලික ගොඩනැගිල්ලක් ලබා ගැනීම පිළිබඳවත් එහිදී සාකච්ඡා කෙරිණ. ඒ අනුව අග්රාමාත්යතුමියගේ උපදෙස් මත නගර සභාවට අයත් ගොඩනැගිල්ලක් තාවකාලිකව ලබා දීමට අවශ්ය කටයුතු සූදානම් කරන බව පුත්තලම නගරාධිපති රින්ෂාඩ් අහමඩ් මහතා එකඟතාව පළ කළේය.
මෙම අවස්ථාවට රාජ්ය පරිපාලන, පළාත් සභා හා පළාත් පාලන අමාත්ය මහාචාර්ය ඒ.එච්.එම්.එච්. අබේරත්න මහතා ඇතුළු පුත්තලම දිස්ත්රික් පාර්ලිමේන්තු මන්ත්රීවරුන්, වයඹ පළාත් අධ්යාපන නිලධාරීන් සහ විශ්වවිද්යාලයේ පරිපාලන නිලධාරීන් ආචාර්යවරුන් දරුදැරියන් පිරිසක් ද සහභාගී වූහ.
අග්රාමාත්ය මාධ්ය අංශය