පොහොසත් රටක් ලස්සන ජීවිතයක් ජාතික ජන බලවේගයේ ප්‍රතිපත්ති ප්‍රකාශයේ සඳහන් කර ඇති පරිදි ම ත්‍රස්තවාදය වැළැක්වීමේ පනත (PTA) අහෝසි කිරීම ඉදිරියේ දී සිදුවන බව අග්‍රාමාත්‍ය ආචාර්ය හරිනි අමරසූරිය පැවසුවාය.
අප්‍රේල් 12 වැනි දා මන්නාරම දිස්ත්‍රික්කයේ මුසලි මැතිවරණ කොට්ඨාසයේ සිලාවතුර බස් නැවතුම්පොළ අසල රැස්වීමකට එක්වෙමින් අග්‍රාමාත්‍යවරිය මේ බව ප්‍රකාශ කර සිටියා ය.
ත්‍රස්තවාදය වැළැක්වීමේ පනත (PTA) ඉවත් කිරීම සම්බන්ධව මේ වන විටත් කැබිනට් මණ්ඩලය විසින් කමිටුවක් පත් කර ඇති අතර ඒ අනුව ඉදිරියේ දී පනත ඉවත් කිරීම සම්බන්ධව ක්‍රියාමාර්ග ගැනීම සිදුවනු ඇති බව අග්‍රාමාත්‍යවරිය පැවසීය.
ඉදිරියේ දී කිසිම අයුරකින් ආගම, ජාතිය යන කාරණා හේතු කරගනිමින් ජනතාවට කිසිම අයුරකින් පීඩා සිදුවීමට ඉඩ නොදෙන බවත්, ආණ්ඩුවක් ලෙස කිසි විටෙකත් අර්බුද දෙස ජාතිවාදී මනසකින් බැලීම සිදු නොවන බවත් අග්‍රාමාත්‍ය ආචාර්ය හරිනි අමරසූරිය පැවසුවාය.
අග්‍රාමාත්‍ය මාධ්‍ය අංශය