පාසල් අධ්යාපනය ඩිජිටල්කරණයට සහාය ලබාදීම සඳහා අග්රාමාත්ය ආචාර්ය හරිනි අමරසූරියගේ සංකල්පයකට අනුව ආරම්භ කළ අධ්යාපනය ඩිජිටල් පරිවර්තනය කරවීමේ කාර්ය සාධක බලකාය සහ OREL IT ආයතනය එක්ව හංවැල්ල රාජසිංහ මධ්ය විද්යාලයේ තොරතුරු තාක්ෂණ මධ්යස්ථානය දින දෙකක් ඇතුලත යථා තත්ත්වයට පත් කර අද (දෙසැම්බර් 22) සිසු අයිතියට පත් කළේය.
පසුගිය දා ඇති වූ දිට්වා සුළිකුණාටුව හේතුවෙන් හංවැල්ල රාජසිංහ මධ්ය විද්යාලයේ තොරතුරු තාක්ෂණ මධ්යස්ථානයට දැඩි හානි සිදු විය.
හදිසි ආපදා තත්ත්වය හේතුවෙන් දිවයිනේ පාසල් විශාල ප්රමාණයක යටිතල පහසුකම් විනාශ වූ අතර විනාශ වූ ඩිජිටල් යටිතල පහසුකම් නැවත යථා තත්ත්වයට පත් කිරීම සඳහා අග්රාමාත්ය ලේකම්තුමාගේ ආරාධනාවකින් OREL IT ආයතනය සිය සහය මේ සඳහා ලබා දෙයි.
අනුරාධපුර දිස්ත්රික්කයේ හානියට පත් පාසල් කිහිපයක තොරතුරු තාක්ෂණ මධ්යස්ථාන පසුගිය සති දෙක ඇතුළත අග්රාමාත්ය කාර්යාලයේ මගපෙන්වීම මත OREL IT ආයතනය විසින් යථා තත්ත්වයට පත් කළ අතර ඉන් අනතුරුව හංවැල්ල රාජසිංහ මධ්ය විද්යාලයේ තොරතුරු තාක්ෂණ මධ්යස්ථානය දින දෙකක් ඇතුළතදී යථා තත්ත්වයට පත්කර සිසු අයිතියට පැවරීමට OREL IT ආයතනය සහ අධ්යපනය ඩිජිටල් පරිවර්තනය කරවීමේ කාර්ය සාධක බලකාය මෙසේ කටයුතු කර තිබේ.
අධ්යාපනය ඩිජිටල් පරිවර්තනය සඳහා වූ කාර්ය සාධක බලකාය, ලබන වසරේ සිට ක්රියාත්මක කරන අධ්යාපන ප්රතිසංස්කරණ හා අධ්යාපන කටයුතු ඩිජිටල්කරණය සඳහා අවශ්ය ඩිජිටල් යටිතල පහසුකම් ලබාදෙමින් පාසල් ඩිජිටල්කරණය සඳහා අවශ්ය කටයුතු මේ වන විටත් ආරම්භ කර තිබේ.
මෙම අවස්ථාවට අග්රාමාත්ය ජ්යෙෂ්ඨ සහකාර ලේකම් ආචාර්ය අර්ජුන රත්නායක, OREL IT ආයතනයේ ප්රධාන විධායක නිලධාරි ආචාර්ය උපේන්ද්ර පීරිස් ඇතුළු OREL IT ආයතනයේ නිලධාරීන්, රාජ්ය නිලධාරින් ගුරුවරුන් හා සිසු දරුදැරියන් සහභාගී විය.
අග්රාමාත්ය මාධ්ය අංශය