50 වන සංවත්සරය සමරන බණ්ඩාරනායක ජාත්‍යන්තර අධ්‍යයන මධ්‍යස්ථානයේ ( BCIS ) ජාත්‍යන්තර සබඳතා සහ ඒ ආශ්‍රිත විෂයයන් පිළිබඳ ඩිප්ලෝමාව හා උපාධිය හැදෑරූ ශිෂ්‍ය ශිෂ්‍යාවන් වෙත සහතිකපත් ප්‍රදානය කිරීම අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් බණ්ඩාරනායක ජාත්‍යන්තර සම්මන්ත්‍රණ ශාලාවේදී සිදුවිය.
ජාත්‍යන්තර අධ්‍යයනය පිලිබඳව සහතිකපත් පාඨමාලා , ඩිප්ලෝමා , උසස් ඩිප්ලෝමා සහ පශ්චාත් උපාධි හැදෑරූ ශිෂ්‍ය ශිෂ්‍යාවන් මෙහිදී සහතිකපත් හිමිකර ගත්තේය.
මාලදිවයිනේ ප්‍රතිපත්ති චින්තන මණ්ඩලයේ ප්‍රධානී ඊවා අබ්දුල්ලා, බණ්ඩාරනායක ජාත්‍යන්තර අධ්‍යයන මධ්‍යස්ථානයේ සභාපති, හිටපු ජනාධිපති චන්ද්‍රිකා බණ්ඩාරනායක කුමාරතුංග , විධායක අධ්‍යක්ෂ ප්‍රියන්ති ප්‍රනාන්දු යන මහත්ම මහත්මීන් ඇතුළු පිරිසක් මෙම අවස්ථාවට සහභාගි වූහ.
අග්‍රාමාත්‍ය මාධ්‍ය අංශය.