​22 ஆவது வருடாந்த பொதுநலவாய கல்வி மாநாடு மற்றும் பொதுநலவாய கற்றல் நிறுவனத்தின் 2026 ஆம் ஆண்டிற்கான ஆளுநர் சபைக் கூட்டத்தில் கலந்துகொள்வதற்காக, பிரதமர் கலாநிதி ஹரிணி அமரசூரிய ஐக்கிய இராச்சியத்திற்கான உத்தியோகபூர்வ விஜயமொன்றை மேற்கொண்டு நாட்டிலிருந்து புறப்பட்டுச் சென்றுள்ளார்.

​இந்த விஜயத்தின்போது கல்வி, அபிவிருத்தி ஆய்வுகள், ஆராய்ச்சி ஒத்துழைப்பு மற்றும் சர்வதேச பங்களிப்புகள் ஆகிய துறைகளில் பரஸ்பர ஒத்துழைப்பை பலப்படுத்துவதை நோக்கமாகக் கொண்ட பல உயர்மட்ட கல்விசார் மற்றும் இராஜதந்திர சந்திப்புகளில் பிரதமர் கலந்துகொள்ளவுள்ளார்.

அத்தோடு, இந்த ​விஜயத்தின் ஒரு பகுதியாக, பிரதமர் ஐக்கிய இராச்சியத்தின் கல்வித் திணைக்களத்தில், அந்நாட்டின் கல்வி இராஜாங்க செயலாளர் திருமதி பிரிட்ஜெட் பிலிப்சனைச் சந்தித்து, கல்வி மற்றும் அது சார்ந்த துறைகளில் ஒத்துழைப்பை ஏற்படுத்துவது குறித்து கலந்துரையாடவுள்ளார்.

அத்துடன், இலங்கைக்கும் ஐக்கிய இராச்சியத்திற்கும் இடையிலான இருதரப்பு நலன்கள் மற்றும் ஒத்துழைப்பு விவகாரங்கள் குறித்தும் கலந்துரையாடுவதற்காக, ஐக்கிய இராச்சியத்தின் உள்நாட்டலுவல்கள் செயலாளர் திருமதி இவெட் கூப்பரையும் பிரதமர் சந்திக்கவுள்ளார்.

​அத்தோடு, 22 ஆவது வருடாந்த பொதுநலவாய கல்வி மாநாடு மற்றும் பொதுநலவாய கற்றல் நிறுவனத்தின் 2026 நிர்வாகச் சபைக் கூட்டத்திற்கு இணையாக, பொதுநலவாய அமைப்பின் பொதுச் செயலாளர் திருமதி ஷெர்லி அயோர்கொ போச்வேயையும் பிரதமர் சந்தித்துக் கலந்துரையாடவுள்ளார்.

​இந்த விஜயத்தின்போது, சசெக்ஸ் பல்கலைக்கழகத்தின் அபிவிருத்தி ஆய்வுகளுக்கான நிறுவனத்தில் இடம்பெறும் பொது நிகழ்வொன்றிலும் கலந்துகொள்ளவுள்ள பிரதமர், அந்நிறுவனத்தின் 60 ஆவது ஆண்டு நிறைவு விழாவிலும் பங்கேற்கவுள்ளார். மேலும், ஒக்ஸ்போர்ட் பல்கலைக்கழகத்தின் ஒக்ஸ்போர்ட் உலகளாவிய மற்றும் பிராந்திய ஆய்வுகளுக்கான கல்விப்பீடத்தில் உரையாற்றவுள்ள பிரதமர், அதனைத் தொடர்ந்து அங்குள்ள கல்விமான்கள் மற்றும் மாணவர்களுடனான வினா விடை அமர்விலும் கலந்துகொள்ளவுள்ளார்.

பிரதமரின் ​இந்த உத்தியோகபூர்வ விஜயத்தின் மூலம் கல்வி, ஆராய்ச்சி, கொள்கை ரீதியிலான கலந்துரையாடல்கள் மற்றும் திறன் அபிவிருத்தி ஆகிய துறைகளில் சர்வதேச கல்வி நிறுவனங்கள், சர்வதேச அபிவிருத்தி பங்காளிகள் மற்றும் பொதுநலவாய உறுப்பு நாடுகளுடன் இலங்கையின் ஈடுபாட்டையும் கூட்டுறவையும் மேலும் பலப்படுத்துவதற்கான வாய்ப்புகள் உருவாகுமென எதிர்பார்க்கப்படுகிறது

​பிரதமர் ஊடகப் பிரிவு

நாம் எதிர்பார்க்கும் மனப்பாங்கு ரீதியாக வளர்ச்சி அடைந்த, நாகரிகமான பிரஜை உருவாவதற்குத் தேவையான அடித்தளம் பாடசாலைக் காலத்தில் பெறும் அனுபவங்களாகும் என்றும், அந்த அனுபவங்களைப் பெற்றுக்கொள்வதற்கு மாணவர்களுக்கு இடமளிப்பதற்கே அரசாங்கம் பதின்மூன்று வருட பாடசாலைக் கல்வியை உறுதிப்படுத்தி இருக்கின்றது என்றும் பிரதமர் கலாநிதி ஹரிணி அமரசூரிய தெரிவித்தார்.

2026 மே 15 ஆம் திகதி சவ்சிரிபாய வளாகத்தில் நடைபெற்ற, டவர் ஹோல் திரையரங்கு அறக்கட்டளையினால் 30 ஆவது தடவையாக ஏற்பாடு செய்யப்பட்ட "2024/2025 அகில இலங்கை பாடசாலைகள் நாடகப் போட்டித்தொடரின்" விருது வழங்கும் விழாவில், பிரதம அதிதியாகக் கலந்துகொண்டு உரையாற்றும் போதே பிரதமர் இதனைத் தெரிவித்தார்.

அங்கு மேலும் கருத்துத் தெரிவித்த பிரதமர்,

பாடசாலை மாணவர்கள் இத்தகைய போட்டிகளில் பங்கேற்று வெற்றி பெற்றாலும் பெறாவிட்டாலும், கலை மற்றும் கலாசார நடவடிக்கைகளில் ஈடுபடுவதன் மூலம் பெற்றுக்கொள்ளும் அனுபவங்கள் அவர்களது வாழ்க்கைக்கு மட்டுமன்றி, நாட்டிற்குத் தேவையான உயரிய மனப்பாங்கைக் கொண்ட பிரஜைகளை உருவாக்குவதிலும் பெரிதும் துணையாக அமைகின்றன. எனினும், தற்காலத்தில் பிள்ளைகளின் பாடசாலைக் கல்வியைத் துரிதமாக முடித்துவிட்டு, அவர்களை அவசர அவசரமாக வளர்ந்தவர்களாக்குவதற்கு முற்படும் போக்கினைப் பெரியவர்கள் மத்தியில் காணக்கூடியதாக இருக்கின்றது. இது நாட்டிற்குத் தேவையான வளர்ச்சி பெற்ற பிரஜைகளை உருவாக்குவதற்குப் பொருத்தமானதொரு சூழல் அல்ல.

’வளமான நாடு, அழகான வாழ்க்கை’ எனும் அரசாங்கத்தின் கொள்கைத் திட்டத்தின் மூலம் நாட்டில் பல மாற்றத்தை ஏற்படுத்துவதற்கான மாற்றங்களை ஏற்படுத்த வேண்டியுள்ளது. தற்போது நிலவும் பொருளாதார, அரசியல் மற்றும் சமூக நெருக்கடிகள் மனித வாழ்க்கையுடன் பின்னிப்பிணைந்துள்ளதால், அவற்றைச் சட்டத்தினால் மாத்திரம் தீர்த்துவிட முடியாது. அதற்குச் சமூகத்தில் தெளிவானதொரு மனப்பாங்கு ரீதியான மாற்றம் ஏற்பட வேண்டும்.

நாம் எதிர்பார்க்கும் மாற்றத்தை ஏற்படுத்தும் மாற்றத்தின் மூலம் மனப்பாங்கு ரீதியாகவும் கலாசார ரீதியாகவும் வளர்ச்சி அடைந்த மனிதனை உருவாக்குவதற்குக் கலைத்துறையினால் மகத்தான பணியை ஆற்ற முடியும். சமூகத்திற்குத் தேவையான சிறந்த கற்பனைத்திறன், கருணை மற்றும் தலைமைத்துவப் பண்புகளைக் கொண்ட படைப்பாற்றல் மிக்க, முழுமையான நற்பிரஜைகளை உருவாக்கும் நோக்கில் கல்விச் செயன்முறையிலும் மாற்றத்தை ஏற்படுத்த வேண்டும்.

பாடசாலை வாழ்க்கையில் மேடையில் பல்வேறு படைப்புகளுக்குப் பங்களிப்புச் செய்யும் அனைவரும் தொழில்சார் கலைஞர்களாவதில்லை; ஆயினும் அதன் மூலம் பெறும் அனுபவங்கள் அவர்களைச் சமூகத்தில் படைப்பாற்றல் மிக்க சிறந்த மனிதர்களாக மாற்றுவதற்குப் பெரும் பக்கபலமாக அமையும். ஒரு நல்ல புத்தகத்தை வாசிப்பதன் மூலமோ அல்லது சிறந்த திரைப்படமொன்றைப் பார்ப்பதன் மூலமோ மனித மனம் நல்வழிப்படுத்தப்படுவதுடன், அது புதிய பரிமாணங்களின் ஊடாகச் சிந்திப்பதற்கான சிந்தனைக் கதவுகளைத் திறந்துவிடுகின்றது. அதன் மூலம் புதியதொரு உலகைப் படைப்பதற்குத் தேவையான மனப்பாங்கு ரீதியான வளர்ச்சி ஏற்பட வழிவகுக்கின்றது.

பிள்ளைகளின் வாழ்க்கைக்கு மிகவும் முக்கியமான இத்தகைய தீர்க்கமான அனுபவங்களைப் பெற்றுக்கொடுப்பதற்காகப் பாடுபடும் ஆசிரியர்களும், பெற்றோரும் சமூகத்திற்கு இன்றியமையாததொரு பணியையே ஆற்றி வருகின்றனர். திறமையான, உணர்வுப்பூர்வமான இளம் சமுதாயத்தினர் மூலமாகவே நாட்டிற்குத் தேவையான தலைவர்கள் உருவாகின்றனர்; அதற்கான பின்னணியை அமைத்துக்கொடுக்கும் இவ்வாறான போட்டிகள் மிகவும் முக்கியமானவையாகும், எனப் பிரதமர் தெரிவித்தார்.

இந்நிகழ்வில் புத்தசாசன, சமய மற்றும் கலாசார அலுவல்கள் அமைச்சர் கலாநிதி ஹினிதும சுனில் செனவி, புத்தசாசன, சமய மற்றும் கலாசார அலுவல்கள் பிரதி அமைச்சர் கமகெதர திஸாநாயக்க, பிரதமரின் செயலாளர் பிரதீப் சபுதந்திரி, டவர் ஹோல் திரையரங்கு அறக்கட்டளையின் பணிப்பாளர் நாயகம், அமைச்சுகளின் செயலாளர்கள், அரச அதிகாரிகள் ஆகியோரும் கலந்துகொண்டனர்.

பிரதமர் ஊடகப் பிரிவு

மகா விஹாரவங்சிக உடரட்ட அமரபுர மகா நிகாயவின் மகாநாயக்கராகப் பதவியேற்ற, கோட்டே மாதிவெல ஸ்ரீ ஞானானந்த பௌத்த மையம் மற்றும் ஹபுத்தலை நிக்கபொத்த சுபத்ராராம பிரிவெனா மகா விஹாரை உள்ளிட்ட விஹாரைகளின் அதிபதி, ஸ்ரீ ரதனஜோதி வங்சாலங்கார சத்தர்மவாகீஸ்வர சாஸ்திர விசாரத பண்டித மஹோபாத்தியாய அதிவணக்கத்துக்குரிய நிக்கபொத்த சந்திரஜோதி மகாநாயக்க தேரரை வரவேற்றல் மற்றும் சன்னஸ் பத்திரம் கையளித்தலுக்கான அரச விழா, பிரதமர் கலாநிதி ஹரிணி அமரசூரியவின் பங்கேற்பில் 17 ஆம் திகதி பண்டாரநாயக்க சர்வதேச மாநாட்டு மண்டபத்தில் நடைபெற்றது.

மகா விஹாரவங்சிக ஸ்ரீ லங்கா அமரபுர மகா நிகாயவின் உன்னத மகாநாயக்க அதிவணக்கத்துக்குரிய கரகொட உயன்கொட மைத்ரிமூர்த்தி மகாநாயக்க தேரர் அவர்களின் தலைமையில் நடைபெற்ற இந்த புண்ணிய மஹோற்சவத்தில், மகா விஹாரவங்சிக உடரட்ட அமரபுர மகா நிகாயவின் மகாநாயக்க பதவிக்கான ’ஸ்ரீ சன்னஸ்’ பத்திரத்தினைப் பிரதமர் கலாநிதி ஹரிணி அமரசூரிய அவர்கள் அதிவணக்கத்துக்குரிய நிக்கபொத்த சந்திரஜோதி மகாநாயக்க தேரர் அவர்களிடம் கௌரவப்பூர்வமாகக் கையளித்தார்.

முப்பிரிவுகளினதும் மகா சங்கத்தினரின் ஆசீர்வாதத்துடன் நடைபெற்ற இந்நிகழ்வில், புத்தசாசன, சமய மற்றும் கலாசார அலுவல்கள் அமைச்சர் கலாநிதி ஹினிதும சுனில் செனவி, பொதுமக்கள் பாதுகாப்பு மற்றும் பாராளுமன்ற விவகாரங்கள் பிரதி அமைச்சர் சட்டத்தரணி சுனில் வடகல உள்ளிட்ட அமைச்சர்கள், பௌத்த விவகாரங்கள் ஆணையாளர் நாயகம் உள்ளிட்ட அரச அதிகாரிகள் மற்றும் பெருமளவிலான பக்தர்கள் கலந்துகொண்டனர்.

பிரதமர் ஊடகப் பிரிவு

நெருக்கடி இன்னும் முடிவுக்கு வரவில்லை.

வெசாக் வாரத்தில் தேவையான மின்சாரத்தைப் பெற்றுக்கொடுத்தல் அவசியமாகும்.

ஏனைய நாடுகளில் நிலவுவதைப் போல் வலுசக்தி நெருக்கடியினால் மக்களுக்குப் பாதிப்பு ஏற்படாத வகையில் அதனை முகாமைத்துவம் செய்து, மக்களுக்குச் சுமை ஏற்படாதவாறு அந்தச் செலவை அரசாங்கமே பொறுப்பேற்று, நிலைபேறான முகாமைத்துவச் செயன்முறையொன்றைப் பின்பற்றியதாகவும், எனினும் நெருக்கடி இன்னும் முழுமையாக முடிவுக்கு வரவில்லை என்றும் பிரதமர் கலாநிதி ஹரிணி அமரசூரிய தெரிவித்தார்.

பிரதமர் அலுவலகத்தில் 15 ஆம் திகதி நடைபெற்ற, அரச சேவையைச் சிறந்த முறையில் முன்னெடுத்துச் செல்வதற்காக நியமிக்கப்பட்ட குழுவின் ஆறாவது கூட்டத்தில் உரையாற்றும் போதே பிரதமர் கலாநிதி ஹரிணி அமரசூரிய இதனைக் குறிப்பிட்டார்.

பிரதமர் கலாநிதி ஹரிணி அமரசூரியவின் தலைமையில் நடைபெற்ற இக்கூட்டத்தில், நிலைபேறான வலுசக்தி முகாமைத்துவம் மற்றும் அதற்காக எடுக்கப்பட வேண்டிய எதிர்கால நடவடிக்கைகள் குறித்து விரிவாகக் கலந்துரையாடப்பட்டது.

அரச நிறுவனங்களுக்குள் வலுசக்தியைச் சேமிப்பதற்காக ஒவ்வொரு நிறுவனத்திற்கும் ’வலுசக்தி முகாமைத்துவ அதிகாரி’ (Energy Manager) ஒருவரை நியமிப்பது குறித்தும், புதுப்பிக்கத்தக்க வலுசக்தி மூலாதாரங்களை நோக்கிச் செல்ல வேண்டுமெனவும் தீர்மானிக்கப்பட்டது. மேலும், ’Clean Sri Lanka’ தேசியத் திட்டத்தின் கீழ் அரசாங்கக் கட்டிடங்களைப் பசுமைக் கட்டிடக் கோட்பாட்டிற்கு (Green Building Concept) அமைய வடிவமைப்பதற்குத் தேவையான நடவடிக்கைகளை மேற்கொள்வது குறித்தும் இங்கு கலந்துரையாடப்பட்டது.

எதிர்காலத்தில் எரிபொருள் சலுகைகளை வழங்குவதற்கான வாய்ப்புகள் குறித்தும், இதுவரை நடைமுறையிலிருந்த ஒற்றை மற்றும் இரட்டை இலக்க முறைமையினை நீக்கி, QR குறியீட்டின் கீழ் எரிபொருளை வழங்குதல் மற்றும் எரிபொருள் ஒதுக்கீட்டை அதிகரிப்பது குறித்தும் கவனம் செலுத்தப்பட்டது. எதிர்வரும் ஓகஸ்ட் மாதம் வரை போதுமான அளவு எரிபொருள் கையிருப்பில் இருப்பதுடன், இவ்வருடத்தின் எஞ்சிய மாதங்களுக்குத் தேவையான எரிபொருளும் கோரப்பட்டுள்ளதாக அதிகாரிகள் இங்கு தெரிவித்தனர்.

மின்சார நுகர்வினை நிலைபேறான முறையில் முகாமைத்துவம் செய்வதை நோக்கமாகக் கொண்டு, ’Clean Sri Lanka’ திட்டத்தின் கீழ் பாடசாலை மாணவர்கள் மத்தியில் விழிப்புணர்வை ஏற்படுத்துதல் மற்றும் மின்சார நுகர்வினை முறையாக முகாமைத்துவம் செய்யும் வீடுகளைத் தெரிவு செய்து பாடசாலை மாணவர்கள் ஊடாக மதிப்பீடு செய்யும் வேலைத்திட்டங்கள் குறித்தும் கலந்துரையாடப்பட்டது.

எதிர்கால கட்டுமானத் திட்டங்களில் பசுமைக் கட்டிடக் கருத்தை Green Building அறிமுகப்படுத்துவதற்கு எடுக்கப்பட வேண்டிய நடவடிக்கைகள் குறித்தும் கலந்துரையாடப்பட்டது.

அரசாங்கம் முறையான வலுசக்தி முகாமைத்துவத்தை முன்னெடுப்பதனால், மக்கள் தற்போதைய நெருக்கடி நிலை குறித்து அதிக கவலை கொள்ள வேண்டிய நிலை ஏற்படவில்லை. ஏனைய நாடுகளில் எரிபொருள் வரிசைகள் மற்றும் மின்சாரத் தடைகள் ஏற்படுகின்றன. ஆனால் நாம் அந்த நெருக்கடியைச் சரியான முறையில் கையாண்டோம். எனினும், நெருக்கடி இன்னும் முடிவுக்கு வராததால் நாம் இது குறித்துத் தொடர்ந்தும் கவனம் செலுத்த வேண்டும். நிலைபேறான வலுசக்தி முகாமைத்துவம் குறித்து மக்களுக்குத் தெளிவுபடுத்தப்பட வேண்டும். வெசாக் வாரத்தில் தடையின்றி மின்சாரத்தைப் பெற்றுக்கொடுப்பது அவசியமாகும் எனவும் பிரதமர் கலாநிதி ஹரிணி அமரசூரிய இதன்போது சுட்டிக்காட்டினார்.

இந்நிகழ்வில் பிரதமரின் செயலாளர் பிரதீப் சபுதந்திரி, ஜனாதிபதியின் பணிக்குழாம் பிரதானி பி.கே. பிரபாத் சந்திரகீர்த்தி, ஜனாதிபதியின் சிரேஷ்ட மேலதிக செயலாளர் ஜி.ஜி.எஸ்.பி. ரோஷன் உள்ளிட்ட அரச நிர்வாகம், சுகாதாரம், போக்குவரத்து மற்றும் வலுசக்தி ஆகிய அமைச்சுகளின் செயலாளர்கள், தலைவர்கள் உள்ளிட்ட அதிகாரிகள் கலந்துகொண்டனர்.

பிரதமர் ஊடகப் பிரிவு

கூட்டான்மை மற்றும் ஒத்துழைப்பின் மூலம் அனைவரையும் உள்ளடக்கிய, உலகளாவிய போட்டித்தன்மை மிக்க நிலைபேறான சுற்றுலாத் துறையொன்றைக் கட்டியெழுப்ப முடியும்.

கூட்டான்மை மற்றும் ஒத்துழைப்பின் மூலம் அனைவரையும் உள்ளடக்கிய, உலகளாவிய போட்டித்தன்மை மிக்க நிலைபேறான சுற்றுலாத் துறையொன்றைக் கட்டியெழுப்ப முடியும் எனப் பிரதமர் கலாநிதி ஹரிணி அமரசூரிய தெரிவித்தார்.

கொழும்பு சிறிமாவோ பண்டாரநாயக்க கண்காட்சி மண்டபத்தில் 13 ஆவது தடவையாக நடத்தப்படும் இலங்கையின் முன்னணி சுற்றுலாத் துறைக் கண்காட்சியான ’சஞ்சாரக்க உதாவ (Sancharaka Udawa) 2026’ நிகழ்வில், மே 15 முற்பகல் உரையாற்றும் போதே பிரதமர் இதனைக் குறிப்பிட்டார்.

இலங்கை சுற்றுலா ஊக்குவிப்புப் பணியகத்தின் (SLTPB) ஒத்துழைப்புடன், இலங்கை உள்நாட்டுச் சுற்றுலாச் சங்க அமைப்பாளர்களினால் (SLAITO) ஏற்பாடு செய்யப்பட்ட இக்கண்காட்சி, 2026 மே 15 மற்றும் 16 ஆம் திகதிகளில் கொழும்பு BMICH வளாகத்தில் நடைபெறும்.

இம்முறை கண்காட்சியில் 250 இற்கும் மேற்பட்ட தொழில்முனைவோர்கள் பங்கேற்பதுடன், 300 கண்காட்சிக் கூடங்கள் அமைக்கப்பட்டிருக்கின்றன. மேலும், 100 இற்கும் மேற்பட்ட வெளிநாட்டுப் பிரதிநிதிகளின் பங்குபற்றுதலுடன் வர்த்தகச் சந்திப்புகள் (B2B), கலந்துரையாடல்கள் மற்றும் கருத்தரங்குகள் ஆகியன 15, 16 ஆகிய இரு தினங்களிலும் நடைபெறவுள்ளன.

இம்முறை கண்காட்சியில் முதன்முறையாக வெளிநாட்டு அனுசரணையுடன் கொள்வனவாளர்களுக்கு (Foreign Hosted Buyers) அழைப்பு விடுக்கப்பட்டுள்ளமை ஒரு விசேட அம்சமாகும். இதன் மூலம் உள்நாட்டுச் சுற்றுலாத் துறையில் ஈடுபட்டிருப்போருக்கு சர்வதேச சந்தையுடன் நேரடியாகத் தொடர்புகொள்வதற்கான முன்னெப்பொழுதும் இல்லாத வாய்ப்புகள் கிட்டவுள்ளன.

’சஞ்சாரக்க உதாவ 2026’ கண்காட்சியைப் பிரதமர் கலாநிதி ஹரிணி அமரசூரிய உத்தியோகபூர்வமாகப் பொதுமக்களுக்காகத் திறந்து வைத்தார்.

அதனைத் தொடர்ந்து நிகழ்வில் உரையாற்றிய பிரதமர்:

நிலைபேறான, அனைவரையும் உள்ளடக்கிய, சுற்றாடல் நேய சுற்றுலாத் துறையொன்றைக் கட்டியெழுப்புவதே அரசாங்கத்தின் தொலைநோக்காகும். தற்போது எதிர்நோக்க வேண்டியுள்ள சுற்றாடல், அரசியல், பொருளாதார மற்றும் உலகளாவிய சவால்களுக்கு மத்தியிலும், சுற்றுலாத் துறை அதற்கு ஏற்றவாறு தன்னை மாற்றியமைத்துச் செயற்படுவது மிகவும் அவசியமானதாகும். உலகளாவிய சுற்றுலாத் தளத்தில் இலங்கையைச் சரியான இடத்தில் நிலைநிறுத்துவதும், ஒரு சுற்றுலா இலக்காக நாட்டின் சர்வதேச வர்த்தக நாமத்தைப் பலப்படுத்துவதும் மிக முக்கியமானதாகும்.

இத்துறையில் மனித மூலதனத்தை அபிவிருத்தி செய்ய வேண்டியதன் அவசியத்தை வலியுறுத்திய பிரதமர், கல்விச் சீர்திருத்தங்கள் ஊடாக இளைஞர், யுவதிகளின் வருங்கால வேலைவாய்ப்பு வசதிகளை விரிவுபடுத்துவதன் முக்கியத்துவம் குறித்தும் விளக்கமளித்தார். இளைஞர்கள் சுற்றுலாத் துறை போன்ற துறைகளில் ஈடுபாடு காட்டுவதற்கான வாய்ப்புகள் வழங்கப்பட வேண்டுமெனக் குறிப்பிட்ட அவர், இதற்காகச் சுற்றுலாத் துறைக்கும் கல்வித் துறைக்கும் இடையில் நெருக்கமான ஒத்துழைப்பைக் கட்டியெழுப்ப வேண்டுமெனவும் சுட்டிக்காட்டினார்.

உள்நாட்டுச் சுற்றுலாத் துறையைப் பலப்படுத்துவதன் ஊடாக ஒட்டுமொத்த சுற்றுலா அனுபவங்களை மேம்படுத்துவதன் முக்கியத்துவத்தையும் எடுத்துரைத்த பிரதமர், சுற்றுலாத் துறையின் எதிர்காலத்தைப் பலமாகக் கட்டியெழுப்பவும், நிலைபேறான முன்னேற்றத்தை அடையவும் அரசாங்கத்திற்கும் தனியார் துறைக்கும் இடையில் முறையான கூட்டான்மையையும் ஒத்துழைப்பையும் பேணுவது அத்தியாவசியமாகும் எனத் தெரிவித்தார்.

இந்நிகழ்வில் சுற்றுலாத்துறை பிரதி அமைச்சர் பேராசிரியர் ருவன் ரணசிங்க, தொழில் அமைச்சரும் நிதி, திட்டமிடல் பிரதி அமைச்சருமான அனில் ஜயந்த, வெளிநாட்டலுவல்கள், வெளிநாட்டு வேலைவாய்ப்பு மற்றும் சுற்றுலா அமைச்சின் செயலாளர் அருணி ரணராஜா, இலங்கை உள்நாட்டுச் சுற்றுலாச் சங்க அமைப்பாளர்கள் சங்கத்தின் தலைவர் நளின் ஜயசுந்தர உள்ளிட்ட உள்நாட்டு, வெளிநாட்டுப் பிரதிநிதிகள், தொழில்முனைவோர், கண்காட்சியாளர்கள் எனப் பலரும் கலந்துகொண்டனர்.

பிரதமர் ஊடகப் பிரிவு

The official ceremony to present Sannas Patra to Prof. Venerable Maha Oya Jinarathana Nayaka Thero, who was conferred the title of Chief Sanghanayaka of Wellassa, Bintenne and the Eastern Three Provinces, was held on 14 of May at the historic Pothubandhana Rajamaha Viharaya in Bibile, with the participation of Prime Minister Dr. Harini Amarasuriya.

The ceremony was held under the patronage of the Anunayake of the Malwathu Chapter, Most Venerable Dimbulkumbure Vimaladhamma Nayaka Thero. During the ceremony Prime Minister Dr. Harini Amarasuriya presented the official Sannas Pathraya conferring the title of Chief Sanghanayaka of Wellassa, Bintenne and the Eastern Three Provinces to Prof. Venerable Maha Oya Jinarathana Nayaka Thero.

Addressing the gathering, Prime Minister Dr. Harini Amarasuriya stated that the Nayaka Thero, who entered monastic life in 1982, has rendered exemplary service to Buddhism and society for over four decades, setting a model for the entire community. She noted that the contributions made by the Veneration Thero by continuing the Sri Saranankara and Sri Saddhatissa Dhamma Schools, as well as the service carried out as the Chief Prelate of the Deegavapi Pirivena, are highly commendable.

The Prime Minister further stated that the humanitarian assistance extended annually by providing educational equipment to hundreds of children is commendable and strengthens the government’s efforts towards realizing educational policies. The Prime Minister appreciated the efforts of the venerable Nayaka Thero toward the restoration of the historic Deegavapi Maha Seya and the development of other temples.

The Prime Minister also highlighted that initiatives such as the construction of a Bhikkhu ward at the Ampara Hospital demonstrate selfless dedication of the venerable Thero through actions. The Prime Minister further emphasized that religious leaders who work for the spiritual and social upliftment of the people in historically significant regions such as Wellassa and Bintenne are essential to the country, and that the conferring of this title by the Malwathu Chapter is an honour not only to the Thero but also to the people of those regions.

The occasion was graced by the presence of members of the Maha Sangha representing the three Nikayas, and attended by the Minister Samantha Viddyarathna, Deputy Minister R.M. Jayawardena, Opposition Leader Sajith Premadasa, the Governor of Uva Province, government officials, and a large gathering of devotees.

Prime Minister’s Media Division