இது எண்ணெய் மற்றும் இரசாயன கசிவுகளை கணிக்கும் திறனை கொண்டிருப்பதால் எக்ஸ்பிரஸ் பேர்ல் போன்ற கடுமையான கடல் பேரழிவுகளை தடுக்க முடிகிறது...
இலங்கை போன்ற கடலால் சூழப்பட்ட ஒரு நாட்டிற்கு வானிலை நிலைமைகள் மற்றும் சமுத்திர முன்னறிவிப்புகளை அறிவிக்கும் வளிமண்டல முன்னறிவிப்பு முக்கியமானது என்று பிரதமர் தெரிவித்தார்.
கொழும்பு, அலரி மாளிகையில் (ஜூன் 18) நடைபெற்ற இலங்கை சமுத்திர முன்னறிவிப்பு இணையத்தள வெளியீட்டு விழாவில் கலந்து கொண்டு உரையாற்றும் போதே பிரதமர் இதனைத் தெரிவித்தார்.
இந்த சமுத்திர முன்னறிவிப்பு இணையதளமானது அவுஸ்திரேலிய அரசாங்கத்தால் ஒதுக்கப்பட்ட நிதி உதவியின் மூலம் மேற்கு அவுஸ்திரேலியா பல்கலைக்கழகத்தால் வழங்கப்பட்டுள்ளது.
இலங்கையின் பெரும்பாலான பொருளாதார நடவடிக்கைகள் இந்து சமுத்திரத்தைச் சார்ந்து இருப்பதால், அலை இயக்கம், கடல் நீரோட்டம், வெப்பநிலை மற்றும் உப்புத்தன்மையின் படிநிலை ஆகியவற்றின் அடிப்படையில் சமுத்திர நிலைமைகள் பற்றிய துல்லியமான முன்னறிவிப்பைப் பெறுவது முக்கியம் என்று பிரதமர் கூறினார்.
2022ஆம் ஆண்டு பிரதமர் தினேஷ் குணவர்தன வெளிவிவகார அமைச்சராக இருந்த போது இத்திட்டம் ஆரம்பிக்கப்பட்டதாக குறிப்பிட்ட அவுஸ்திரேலிய உயர்ஸ்தானிகர் போல் ஸ்டீபன்ஸ், X-Press Pearl கப்பல் அனர்த்தத்தின் பின்னர், இலங்கையின் சமுத்திர முன்னறிவிப்பு முறைமையின் தேவை மேலும் உறுதிப்படுத்தப்பட்டுள்ளது என்றார். அந்தத் தேவையை நிறைவேற்றும் இந்தத் திட்டத்தில் அவுஸ்திரேலியா பங்காளியாக இருப்பதில் மகிழ்ச்சியடைவதாகவும் அவர் குறிப்பிட்டுள்ளார்.
இங்கு மேலும் கருத்து தெரிவித்த பிரதமர்
இலங்கை சமுத்திர முன்னறிவிப்பு (Sri Lanka Ocean Forecast) இணையத்தளத்தை அறிமுகப்படுத்துவது மிகவும் முக்கியமான ஒரு செயலாகும். அன்றாட வாழ்க்கையில், வானிலை முன்னறிவிப்பின் அடிப்படையில் பலர் தங்கள் வாழ்க்கையைத் திட்டமிடுகிறார்கள்.
வெப்பநிலை, ஈரப்பதம், மழை வீழ்ச்சி, காற்றுபோன்ற எதிர்கால வளிமண்டல நிலைமைகளை விவரிக்கும் வானிலை முன்னறிவிப்பைப் போலவே, இலங்கை போன்ற ஒரு தீவு-நாட்டிற்கு சமுத்திர முன்னறிவிப்பு மிகவும் முக்கியமானது. நமது பொருளாதார நடவடிக்கைகள் இந்து சமுத்திரத்தைச் சார்ந்து இருப்பதால், அலை இயக்கம், கடல் மின்னோட்டம், வெப்பநிலை மற்றும் உப்புத்தன்மையின் படிநிலை ஆகியவற்றின் அடிப்படையில் சமுத்திர நிலைமைகளை துல்லியமாக கணிப்பது மிகவும் முக்கியமானது.
கப்பல் போக்குவரத்து, விபத்துக்குள்ளான கப்பல்களைத் தேடல் மற்றும் மீட்பு நடவடிக்கைகள், கடலோர திட்டமிடல் மற்றும் முகாமைத்துவம், சுற்றாடல் பாதுகாப்பு மற்றும் அனர்த்த தணிப்பு உட்பட, கடல்சார் பயனர்களின் பரந்த அளவிலான கடல்சார் செயல்பாடுகளை ஆதரிக்கும் கருவிகள் மற்றும் சேவைகளை மேலும் மேம்படுத்த சமுத்திர முன்னறிவிப்பு தகவல் பயன்படுத்தப்படுகிறது.
சமுத்திர கண்காணிப்பு, தரவு சேகரிப்பு மற்றும் ஒருங்கிணைப்பு, மாதிரி மேம்பாடு மற்றும் சரிபார்ப்பு, அதி உயர் கணினிமயப்படுத்தல் மற்றும் பகுப்பாய்வு போன்ற சிக்கலான செயல்முறையை உள்ளடக்கியதால், அபிவிருத்தியடைந்து வரும் ஒரு நாட்டிற்கு சமுத்திர முன்னறிவிப்பில் அதிக முதலீடு செய்வது எளிதானது அல்ல. இந்த சூழ்நிலையில், அவுஸ்திரேலிய அரசாங்கத்தால் ஒதுக்கப்பட்ட நிதி உதவியின் மூலம் சமுத்திர முன்னறிவிப்பு இணையதளத்தை எங்களுக்கு வழங்கிய மேற்கு அவுஸ்திரேலியா பல்கலைக்கழகத்திற்கு நாங்கள் உண்மையிலேயே நன்றியுள்ளவர்களாக இருக்கிறோம்.
நான் வெளிவிவகார அமைச்சராக இருந்த போது இதற்கான முயற்சியை எடுத்ததால் ஆரம்பம் முதலே இதில் ஈடுபட முடிந்தது.
அவுஸ்திரேலிய அரசாங்கத்தின் உதவியின் கீழ் மேற்கு அவுஸ்திரேலியா பல்கலைக்கழகத்தின் தொழில்நுட்ப ஆதரவுடன் நாரா நிறுவனத்தின் கீழ் காற்று, அலைகள் மற்றும் புயல்கள் ஆகியவற்றை ஐந்து நாட்கள் முன் கணிக்கக்கூடிய விரிவான சமுத்திர முன்னறிவிப்பு முறையை நோக்கி முன்னேறுவதற்கு திட்டமிடப்பட்டுள்ளது என்பதை குறிப்பிடுவதில் நான் மகிழ்ச்சியடைகிறேன்.
மற்றொரு முக்கியமான விடயம் என்னவென்றால், மற்ற மாதிரிகளின் ஒருங்கிணைப்பு மூலம் எண்ணெய் மற்றும் இரசாயன கசிவுகளை கணிக்கும் துணை அமைப்புகள் கணிப்பு அமைப்பு இணையப் பக்கத்தில் சேர்க்கப்பட்டுள்ளன. கடந்த காலத்தில், எக்ஸ்பிரஸ் பேர்ல் தொடர்பான கடுமையான கடல் பேரழிவை நாங்கள் எதிர்கொண்டோம். அந்த அனர்த்தமானது நம்பகமான கடல் முன்னறிவிப்பு முறையின் அவசியத்தை எடுத்துக்காட்டியதுடன், Sri Lanka Ocean Forecast இணையத்தளத்தை அறிமுகப்படுத்தியதன் மூலம் நாம் அந்தத் திசையில் நகர்வதையிட்டு நான் மகிழ்ச்சியடைகிறேன்.
மேற்கு அவுஸ்திரேலியா பல்கலைக்கழகத்தின் பேராசிரியர் சரித ஹெட்டியாராச்சி
இந்த இணையத்தளம் இந்த நாட்டில் பயன்படுத்தப்படும் மூன்று முக்கிய மொழிகளில் பயன்படுத்த முடியும். இது வானிலை நிலைமைகளுக்கு ஏற்ப மனித நடவடிக்கைகளை திட்டமிடுவதை சாத்தியமாக்குகிறது. இது சரியான திட்டமிடலுடன் எதிர்காலத்தை நோக்கி நகரும் திறனை அளிக்கிறது. இது ஒரு முன்னேற்றமான நாட்டின் சிறப்பியல்பு.
பிரதமரின் செயலாளர் அநுர திஸாநாயக்க, முன்னாள் பிரதி அமைச்சர் கீதாஞ்சன குணவர்தன, நாரா நிறுவனத்தின் தலைவர் கலாநிதி நிமல் குமாரசிங்க, அனர்த்த முகாமைத்துவ மத்திய நிலையம் வளிமண்டலவியல் திணைக்களம், சமுத்திர சுற்றாடல் பாதுகாப்பு அதிகார சபை மற்றும் கரையோரப் பாதுகாப்பு திணைக்களம், சமுத்திர பல்கலைக்கழகம், அனர்த்த முகாமைத்துவ நிலையம், வளிமண்டலவியல்
பிரதமர் ஊடகப் பிரிவு