මාතෘ භූමියේ ඒකීයභාවය ආරක්ෂා කිරීමට දිවි පිදූ රණවිරුවන් ඇගයීම සඳහා වන 15 වන ජාතික රණවිරු දින සැමරුම් උත්සවය අග්රාමාත්ය දිනේෂ් ගුණවර්ධන මහතාගේ ප්රධානත්වයෙන් අද (2024.05.19) ශ්රී ජයවර්ධනපුර පාර්ලිමේන්තු ක්රීඩාංගණ පරිශ්රයේ පිහිටි රණවිරු ස්මාරකය අභියසදී පැවැත්විණි.
හිටපු ජනාධිපති මහින්ද රාජපක්ෂ, කථානායක මහින්ද යාපා අබේවර්ධන, ආරක්ෂක රාජ්ය අමාත්ය ප්රමිත බණ්ඩාර තෙන්නකෝන්, ආරක්ෂක මාණ්ඩලික ප්රධානී ජනරාල් ශවේන්ද්ර සිල්වා, හමුදාපති ලුතිනන් ජනරාල් විකුම් ලියනගේ, ගුවන් හමුදාපති එයාර් මාර්ෂල් උදේනි රාජපක්ෂ, නාවික හමුදාධිපති වයිස් අද්මිරාල් ප්රියන්ත පෙරේරා, පොලිස්පති දේශබන්දු තෙන්නකෝන්, හිටපු යුද හමුදාපති ෆීල්ඩ් මාෂල් සරත් ෆොන්සේකා, හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩ, හිටපු ගුවන් හමුදාපති මාෂල් ඔෆ් ද එයාර් රොෂාන් ගුණතිලක, මැති ඇමතිවරුන්, ජනාධිපති කාර්ය මණ්ඩල ප්රධානි සාගල රත්නායක, රාජ්ය නිලධාරීන්, රණවිරු සේවා අධිකාරියේ සභාපති මේජර් ජනරාල් නිශාන්ත මානගේ ඇතුළු නිලධාරීන්, රණවිරුවන්, රණවිරු පවුල් වල සාමාජිකයින්, මෙම අවස්ථාවට එක් වූහ.
අග්රාමාත්ය මාධ්ය අංශය